Mexíkósk Kjúklingasúpa

Haustveðrið sem hefur verið sl. daga hefur kallað fram löngun í "haustmat" í mínum huga er haustmatur matarmiklar súpur og þessi mexíkóska súpa í miklu uppáhaldi.

Það sem þarf:

2 msk ólífuolía

1 laukur

1 rauðlaukur

2-3 hvítlauksrif

1 chilli (ég nota rautt)

1 líter tómatsafi (má sleppa og hafa 1 líter af vatni í staðin)

2 paprikur (ég hef oftast rauða og gula)

2-3 sellerístönglar

3-4 gulrætur

1 stór sæt katrtafla

4 dósir tomat paste (Hunt´s 170g)

2 dósir diced tomatos (Hunt´s)

1 1/2 líter vatn (2 ef tómatsafanum er sleppt)

2-3 msk philadelphia sweet chilli rjómaostur

1-2 msk fljótandi kjúklingakraftur (ef þarf, smakkið ykkur til)

3-4 kjúklingabringur

1 tsk karrý

1 tsk paprikuduft

1/4 tsk cumminpipar

sýrður rjómi

tortilla snakk (classic)

salt og pipar eftir smekk

Það má auðvitað nota annað grænmeti t.d. sellerírót, rófur, ferska tómata og alls kyns ferskar kryddjurtir. Notið bara það sem er ferskast og girnilegast hverju sinni.

Laukur, rauðlaukur, hvítlaukur og chilli (fræhreinsað en ef þú vilt hafa súpuna vel sterka má hafa fræin með) saxað smátt og steikt við vægan hita uppúr olíunni og kryddinu 

vatninu, tómatsafanum, tómat paste og tómat teningunum bætt útí og látið malla saman á vægum hita á meðan grænmetið er skorið niður 

grænmetinu og sætu kartöflunum er bætt útí súpuna og leyft að malla á meðan kjúklingurinn er undirbúinn

kjúklingurinn er kryddaður með salti, pipar og papriku

kjúklingnum er bætt útí súpuna (láta safan af pönnunni fylgja með)

Því næst er rjómaostinum bætt útí og súpan smökkuð til, á þessum tímapunkti er gott að meta hvort nota þarf kjúklingakraftinn og hvort nóg sé af kryddunum.

Því lengur sem súpan fær að malla því betra, ég tala nú ekki um hversu dásamlega góð hún er daginn eftir. 

Þessi uppskrift dugir vel í matinn fyrir 3-4 í tvo daga.

Súpan er borin fram með sýrðum rjóma og toppuð með tortilla snakki og ekki skemmir hvítvínsglas fyrir :)

Njótið vel

-e

OreoLakkrís Toppar

Ég hef mjög gaman af því að baka, sérstaklega að prófa nýjar uppskriftir og breyta uppskriftum. 

Ég er búin að baka klassíska lakkrístoppa ansi oft og ætlaði að gera það í enn eitt skiptið þegar ég var á leið í saumaklúbb og átti að mæta með "eitthvað sætt". 

Í búðinni datt mér í hug að skipta út súkkulaðinu fyrir Oreo kex. 

Útkoman var þessi:

Eggjahvítur og púðursykur þeytt saman

Oreo saxað smátt

Lakkrískurli og oreo bætt útí stífþeyttar eggjahvíturnar

Öllu hrært varlega saman með sleikju, því næst eru topparnir mótaðir með tveimur teskeiðum og þeir settir á bökunarpappírsklædda plötu og inn í ofn á 150°C í c.a. 14 mínútur

Dásamlega gott!

Uppskriftin

3 Eggjahvítur

200g Púðursykur

150g lakkrískurl

12 Oreo kexkökur

Ótrúlega einfalt og slær alltaf í gegn :)

-e